DAVAO CITY – Nanawagan si Liga ng mga Barangay (LNB) Davao Chapter president Edgar Ibuyan Sr. sa mga Dabawenyos nga kinahanglan masayod kini sa opisyal sa ilang mga barangay ug purok leaders, dungan sa gipatuman karon nga enhanced community quarantine (ECQ) sa siyudad.
Sumala pa kang Ibuyan, adunay pipila ka mga residente ang wala nasayod kung si kinsa ang ilang mga purok leaders.
Gani uyon ang barangay league leader sa usa ka circular post nga nagkanayong “Kung dili tungod sa Covid-19 (coronavirus disease), di mo makaila sa inyong purok leader.
Gitataw sab sa opisyal nga sagad sumala pa sa mga barangay ang nalisdan sa ilang census, nga maoy basehan sa ilang pagpanghatag og rasyon nga gikan sa lokal nga panggamhanan.
Apan gitino sa nahisgutan nga dili tanan cover niini sanglit adunay pipila ang dili residente sa dakbayan sama na lamang kadtong nanimuyo lang sa apartment o mga boarding house renters.
Gi-awhag niini ang mga residente nga mobisita sa ilang barangay ug mokuha og Barangay Certification.
Gipasabot sab niini nga dili sumala pa kinahanglan nga registered voter kung mokuha ug residential certificate.
Ang maong lakang dakong tabang sa barangay alang sa contact tracing kaabag ang ahensiya sa Department of Health ilabi na kadtong mga nataptan sa covid-19.
