DAVAO CITY – Dakpan ang usaka empleyado sa lokal nga kagamhanan gumikan sa pagpangilkil.
Giila ang suspect nga si Roberto Dalagan LImboy, 45 anyos, minyo ug empleyado sa City Engineers office nga adunay designation isip driver ug nagpuyo sa Venus Extension, Crossing Bayabas Toril ning dakbayan sa Dabaw, ug nagpa-ila sa alyas nga Engr. Tommy.
Subay sa report sa Davao City Police office, alas 8:45 kaganinang buntag gilusad ang usaka entrapment operation sa kapulisan nga miresulta sa pagkasikop kang Limboy atubangan sa usaka shopping mall sa San pedro Street ning syudad.
Na-una nang mireklamo si Engr Cirina Grace Catubig, acting City Building Official sa City Engineers office sa dakbayan sa Dabaw niadtong Pebrero 21, 2020 batok sa suspect gumikan sa pagpaka-aron ingnon nga usaka engineer ug nagapangayo ug kuwarta ngadto sailing mga kliyente alang sa pahg-proseso sa Building Occupancy permit. Tungod nini, dali nga gimugna ni Police Colonel Noel Asumen, hepe Sa Davao City Police Office intel branch ang usaka team.
Human ang validation, malampusong nasikop ang suspect human midawat sa mga dokumento, marked money, P500.00 ug 19,500.00 nga “grease money nga gibutang sa usaka brown envelope gikan sa nagpaka aron ingnon nga Building Administrator nga si Police Staff Sgt. Rey Escaro
Sa karon gikustodiya na ang suspect sa kapulisan alang sa pagpasaka ug mga kasong Robbery Extortion, Usurpation of Authority ug violation sa Anti Graft and Corrupt practices.
