DAVAO CITY (update) – Gipatuman na karon sa lokal nbga kagamhanan sa lungsod sa Don Marcelino Davao Occidental ang 24/7 lockdown sa pagbaligya sa mga baboy ug mga karneng baboy sa ilang lugar.
Kini human gikatala ang unang kason sa African Swine Fever (ASF) sa walo ka mga barangay nga sakop sa Don Marcelino, Davao Occidnetal diin dul-an usaka libo ka mga baboy ang gikatahong nag-positibo sa nahisgutang virus.
Ang nahisgutang mga barangay ang gilangkuban sa Barangay Mabuhay, South Lamidan, Calian, Nueva Villa, Linadasan, North Lamidan, Lawa, ug Baluntaya nga pulos mga sakop sa Don Marcelino Davao Occiedntal.
Sa karon padayon pa ang validation sa Department of Agriculture ;labot sa nahisgutang panghitabo.
Gibutyag ni Department of Agriculture Eleven Regional Executive Director Richard Oñate Jr. nakiglambigit na sila sa Local Government Unit sa tibuok probinsya sa Davao Occidental, kapulisan ug kasundaluhan human gideklara ang lockdown sa tibuok probensiya.
