DAVAO CITY – Luyo sa panawagan sa pipila ka mga dabawenyo, dili pa gihapon ikonsidera sa lokal nga panggamhanan ang pag-ban sa pagsulod sa Chinese nationals sa dakbayan.
Sumala pa kang City Health Office (CHO) officer-in-charge Gene Gulanes nga sa milabay nila nga tigom tali sa nagkadaiyang concerned agencies gikan sa siyudad ilang nadesisyon nga dili una i-ban ang mga turista gikan sa nahisgutan nga nasud.
Gumikan kay hugtanon ang gihimong monitoring karon sa 2019-nCoV dinhi sa siyudad, nanawagan karon ang mga Dabawenyos ngadto sa local government nga magpatuman og travel restrictions batok sa Chinese nationals human ang global outbreak sa disease.
Kahinumduman nga adunay direkta nga flight ang Davao City paingon sa China nga giserbisyohan sa Xiamen Airlines ug Cathay Dragon.
Samtang gitataw sab ni Gulanes nga padayon nila karon nga gibantayan ang kahimtang sa pasyente nga gikanayong nakitaan og sintomas sa Novel Corona virus apan gitambagan lamang kini nga magpahulay lamang sa ilang panimalay.
Pahayag ni City Health Office (CHO) officer-in-charge Gene Gulanes.
