DAVAO CITY – Gipasabot sa kapulisan ug mga sakop sa Task Force Davao (TFD) ning dakbayan nga ang ilang gipahigayon nga inspeksiyon kagahapong adlawa tipik lamang aron nga masiguro ang kaluwasan sa mga motorista.
Kahinumduman nga sugod sa buntag hangtud na sa gabii, nagpahigayon og checkpoint ang kapulisan diin ubay-ubay ang nababagan gumikan kay adunay nagmaneho nga walay lisensiya.
Sumala sa kapulisan nga gihimo sab nila ang hugtanon nga checkpoint sa mga motorista kini aron masiguro ang seguridad sa dakbayan ilabi na karon nga hingpit ng gitapos ang gipatuman nga Martial law sa Mindanao.
Samtang gibutyag sab ni Pol. Lt. Francisco Catabas, operations officer sa Buhangin PNP, nga bisan tuod nga new year wala kini nagpasabot nga kinahanglan sab nila nga mag-relax.
Nanawagan na lamang karon ang kapulisan og kooperasyon sa publiko ilabi na kung aduna silay himuon nga inspeksiyon.
