DAVAO CITY – Isip kabahin sa gipatuman nga security measures human ang nahitabong pagbusikad sa improvised explosive device (IED) sa Shariff Aguak, Maguindanao sa milabay nga adlaw, gi-awhag sa Task Force Davao (TFD) ang mga motorista nga dili iparada ang ilang mga sakyanan sa San Pedro Square aron nga masiguro ang kalinaw sa selebrasyon sa Pasko Fiesta 2019.
Kahinumduman nga kaniadtong Nobyembre 24, usa ka lawless group ang nag-set-up ug IED sa nakaparada nga motor samtang ang pick-up truck sa Commander Datu Item Ampatuan, head sa Moro Islamic Liberation Front (MILF) 106th base command ang milabay sa maong dapit.
Ang nahisgutan nga motorsiklo ang nakaangkon ug grabe nga kadaut diin gigamit sumala pa sa pagpabusikad niini ang cellphone.
Aron nga mas mapahugtan pa ang pagpatuman sa “no parking policy” sa mga venue sa Pasko Fiesta, kinahanglan nga ipatuman ang pagdili sa pagparada og mga sakyanan.
Sumala pa kang TFD Commander Colonel Consolito Yecla nga nakiglambigit na sila sa Davao City Transport and Traffic Management Office (CTTMO) alang sa pagpatuman sa polisiya pinasikad sa concept sa Maximum Security Zone.
Nanawagan sab ang TFD sa publiko nga batasanon ang culture of security ilabi na karon nga magpadayon ang selebrasyon sa pasko fiesta.
