DAVAO CITY – Gipangunahan mismo ni Sen. Christopher Bong Go ang paghatag og hinabang sa mga nabiktima sa kusog nga linog partikular na sa Magsaysay, Davao del Sur diin ubay-ubay ka mga pamilya ang nabiktima ug daghanang propedad ang nangadaut.
Gawas sa gihatag nga mga relief items, nanghatag ang senador og mga financial assistance sa mga residente sa lugar.
Tubagon sab sumala pa senador ang pagpatambal sa mga nabiktima sa linog ug gani nagtanyag pa ang senador sa mga buot nga magpa-opera nga libre kining ipatambal pinaagi sa gitukod nga Malasakit center.
Gitino sab sa opisyal nga ang iyang gihatag nga hinabang ang lahi pa sa ihatag nga tabang ni Pangulong Rodrigo Duterte nga gikatakda sab nga ihatud sa mga residente.
Kahinumduman nga usa ang Magsaysay sa Davao del Sur ang grabe nga naapektuhan atol sa pag-igo sa magnitude 6.3 nga linog sa milabay nga semana.
