DAVAO CITY – Nanawagan ang Davao City Disaster and Risk Reduction Management Office (CDRRMO) ngadto sa publiko nga kanunay mangandam panahon nga adunay mo-igo nga kalamidad sama na lamang sa linog.
Mahinungdanon sab sumala pa nga andamon ang “Go Bag” o emergency-preparedness bag nga gi-undan sa pagkaon, medisina ug uban pang mahinungdanon nga items.
Una niini, nagpahimangno sab ang ahensiya sa publiko nga dili mogamit ug sakyanan panahon nga adunay massive evacuations.
Gipasabot ni CDRRMO operations officer Rodrigo Bustillo nga ila na matud pa kini nga gipahibalo atol sa mga ginapahigayon nga mga linog ug uban pang disaster preparedness drills sa CDRRMO.
Gipahimangnoan sab ang mga evacuees nga mas maayong molakaw ug paspas sa higayon nga adunay gipagula nga mga pahimangno.
Makatabang sab kung isulod sa panghuna-huna sa katawhan ang kamahinungdanon sa emergency drills aron malikayan ang casualties sa umaabot nga panahon ilabi na panahon sa disaster.
