DAVAO CITY – Dili matukib ang gibating kalipay sa Department of Education sa balita ni Pangulong Rodrigo Duterte nga usbawan na ang ilang sweldo sama sa mga police ug mga sundalo.
Sa pakighinabi sa Bombo Radyo, gikanayon ni DepEd XI Regional Director Jenelito “Dodong” Atillo nga dugay nang panahon nga gipaabot sa mga magtutudlo ang pagpa-usbaw sa ilang sweldo ug unta niining panahuna hingpit na kining mahatagan ug katumanan.
Hinuon, gikanayon ni Atillo nga ilang nasabtan kung nganong dugay kaayo ang pagpatuman sa salary increase ug dili kini sama ka dako sa gi-usbaw sa PNP ug AFP.
Dili sumala pa ika-lilong nga sobra ka daghan ang ihap sa mga magtutudlo hinungdan nga angayan usab nga sabton kung hangtud pila lang ang mahatag nga gahin sa kagamhanan.
Naglaum sumala pa sila nga matinuod ang saad ni Pangulong Duterte nga ihatag ang usbaw sulod karong tuiga.
