DAVAO CITY – Nakaganansya ang mga negosyante ug prutas sa Mindanao atol sa gipahigayon nga 1st Mindanao Fruit Festival nga gipahigayon sa dakbayan sa Baguio.
Natigayon kini niadtong Sabado ug Dominggo.
Sumala pa kang Dr. Adrian Tamayo, Publication Relation Head sa Mindanao Development Authority (MinDA) nga mga putas nga Durian, Pomelo, Manggostin, Rambotan, Marang ug uban pa ang ilang gibiyahe ug gibaligya sa dakbayan sa Bagyo.
Dugang pa ni Dr. Tamayo nga ang lakang ni Secretary Manny Pinol isip head sa MinDA, mao ang tabang sa mga mag-uuma ug negosyante sa Mindanao nga inay nga malugi gumikan sa season sa nahisgutan nga prutas miganansya pa hinoon human linyahe sa mga taga-dakbayan sa Baguio atol sa 1st Mindanao Fruit Festival.
Mikabat ngadto sa 22 ka tonelada nga prutas ang ilang gibiyahe padulong sa dakbayan sa Baguio.
