DAVAO CITY – Patay ang usaka magtutudlo human gipusil sa wala pa mailhing suspetsado.
Giila ang biktima nga si Felipe Capisos Niemis Jr., 52 anyos, matutudlo sa Senior High School ug nagpuyo sa Barangay Zone 2, Digos City.
Subay sa report sa Sta. Cruz Municipal Police Station, sakay ang biktima sa usa ka tricycle sa dihang kalit nga giduol sa wala mailhing lalaki ug gipusil kini hinungdan sa pagkamatay niini.
Gikanayon sab sa tricycle driver nga si Marvin Jamunan nga magpahatud unta kaniya si Niemes paingon sa Sta. Cruz Integrated Bus Terminal sa dihang nahitabo ang nahisgutang krimen.
Nagtuo sumala pa ang driver nga miboto ang ligid sa iyang tricycle, apan sa iyang paglingi nagkadugo na ang biktima ug daw wala nay kinabuhi.
Nakuha sa kapulisan gikan sa lugar nga nahitabuan ang usaka basiyo sa bala sa .45 nga kalibre nga armas.
Sa karon , padayon pa nga ginasuta sa kapulisan ang motibo sa krimen.
