DAVAO CITY – Nakasikop sumala pa ang kapulisan ug kinatibuk-ang 179 ka mga suspetsado sa rehiyon sulod lamang sa bulan sa Hulyo.
Una ng gibutyag sa Police Regional Office XI nga nakapahigayon sila ug kinatibuk-ang 143 anti-drug operations nga hinungdann sab sa kamatayon sa duruha ka mga suspetsado nga mipakita ug pagsukol.
Sagad sa mga operasyon gipahigayon sa Davao City Police Office nga anaa sa 86; gisundan sa Davao Del Norte anaa sa 20, Compostela Valley anaa sa 16, Davao Oriental anaa sa 11, Davao del Sur anaa sa 8. Samtang walay data nga gihatag ang Davao Occidental.
Una ng gibutyag ni Brig. Gen. Marcelo Morales, Police Regional Director, nga sa 44 ka mga nasikop, 170 ka nga suspek ang anaa sa drug watchlist.
Sa milabay nga bulan, ang anti-illegal drugs drive miresulta sa daghanang pagsikop sa mga suspek kung itandi sa milabay nga tuig sa susama nga panahon nga anaa sa 161 suspek ang nadakpan sa gipahigayon nga 127 ka mga operasyon.
Nakarekober sab ang otiordad ug kinatibuk-ang 40 grams sa shabu ug 74 grams sa marijuana apan wala gibutyag ang kinatibuk-ang kantidad niini.
Usa sa pinakadako nga accomplishment sa kapulisan sa nahisgutan nga panahon ang pagkasikop kang Emmanuel Lalican, 34, kanhi prison guard sa Davao Penal Colony sa Panabo City, Davao del Norte nga temporaryong nagpuyo sa Boulevard, Barangay 31-D.
