DAVAO CITY – Naduso na matud pa sa Criminal Investigation and Detection Group-Davao field office ang kaso batok sa pipila ka mga opisyal sa investment companies sa rehiyon.
Una ng gibutyag ni Maj. Milgrace Driz, nga nakaduso na sila ug kaso sa LK Wellness Products nga adunay unom ka mga respondents kini base sa lima ka mga reklamo.
Napasakahan sab nila ug duruha ka kaso ang Mega Can Omega Surplus Vehicle Trading nga adunay unom ka mga respondents kini base sa 17 ka mga reklamo.
Samtang napasakahan sab nila ug kaso ang walo ka mga opisyal sa Titan 29 subay sa reklamo sa lima ka mga indibidwal ingon man sa walo ka mga opisyal sa Emco Enterprise Company kini base sa reklamo sa lima ka mga five investors.
Kalakip sab sa mga gipasakahan ug reklamo ang mga kompanyang Quest Link Digital Marketing Services, JY and Beauty Fashion Marketing, Asia Business Corporation, BCT Motor and Car Trading ug Power Play.
Padayon ang panawagan sa opisyal ngadto sa mga police officers nga likayan ang pakiglambigit sa illegal investment schemes gumikan kay mamahimong mag-atubang ug kasong administratibo ang mga nahisgutan.
