DAVAO CITY – Subling nanawagan ang Task Force Davao (TFD) ngadto sa publiko ingon man sa mga bisita ug turista nga mosuroy sa Kadayawan Festival nga motamud sa ipatuman nga polisiya atol mismo sa kapiyestahan gumikan kay alang lamang sa katawhan ang ilang ipatuman nga seguridad.
Hugtanon sab nila nga bantayan ang mga sakyanan ingin man ambulant vendor nga mosulod sa mga lugar nga adunay ipahigayon nga aktibidad.
Sumala pa kang Col. Consolito Yecla, commander sa Task Force Davao (TFD), nga istrikto nila nga ipatuman ang No back pack policy, ug dili pagdala de-color nga plastic bottle.
Magpatuman sab sila ug inspeksiyon sa mga indibidwal nag magsuot ug jacket, sunglasses ug kalo diin ipahubo kini ayha pasudlon sa mga event venues.
Kahinumduman nga ang nahisgutan nga mga butang maoy sagad nga gamiton sa mga tawo nga adunay plano nga isabotahe ang kalinaw sa dakbayan.
