DAVAO CITY – Gikompirma ni Ma. Elena Labrador, DSWD Chief of Protective Services Division sa dakbayan sa Davao nga sugod niining adlawa ang ilang pagpay out sa Social Pension.
Duna na sa’y naka-schedule sa Augusto 7, dunay sa Augusto 13 hangtud na sa 27.
Tumong niini nga mahuman na nila ang pagpanghatag ug pension sa dakbayan sa Davao.
Halos tanan nga dapit sa dakbayan sa Davao mopatuman sa pay out sa nahisgutan nga social pension sa mga senior citizens.
Giklaro ni Labrador nga nalangan ang pagpahigayon ug pay out gumikan kay milusad sila ug revalidation human sa reklamo ngaxdto sa buhatan ni Pangulong Rodrigo Duterte nga nahi-apil niini bisan ang mga SSS ug GSIS pensioners.
Sa dihang na-revalidate na subling gipahigayon ang pay out.
‘Among gipahibalo nga subli gipahigayon niining adlawa ang payout sa mga senior citizens social persioners alang sa August 6, 7, 13 hangtud 27 sa tanan. nga distrito sa dakbayan sa Davao. Nasuspende kini kaniadto gumikan sa mga reklamo nga bisan ang mga SSS ug GSIS pensioners nahilakip sa social pensions.’ Pahayag ni Ma. Elena Labrador, DSWD Chief of Protective Services Division.
