DAVAO CITY – Nakakolekta sumala pa ang Davao City Transport and Traffic Management Office (CTTMO) ug P33.8 million gikan sa traffic law violators ug uban pamng serbisyo sa siyudad sukad Enero hangtud Hunyo 2019.
Sumala pa kang CTTMO head Dionisio Abude nga karong tuiga, nakasikop sila ug kinatibuk-ang 40,819 drivers human nga nakalapas sa City Ordinance 0334-12, Republic Act 4136, ug Executive Ordinance 39 Speed Limit.
Mukabat sumala pa sa P33, 855,866.82 ang ilang nakolekta diin ang “No Safety Helmet” ang nag-una sa ilang listahan diin mukabat sa P3, 014,707 ang collection gikan sa mga badlungon nga drivers.
Gawas niini, nakakolekta sab ang CTTMO ug mga penalty tungod sa distractive driving, wala pagsuot ug seatbelt, non-appearance, truck ban violation, non-registration sa vehicle, franchise non-renewal fee.
Nakakolekta sab sila sa uban nga serbisyo sama sa towing fee, jaywalking, hitching/outside line/top-loading, obstruction, illegal parking, driving without a license ug daghanan pa.
Gikanayong sa jaywalking ang mga violators mobayad ug multa nga P100, truck ban (P1,000), reckless driving (P1,500), illegal parking (P500), non-wearing of seatbelt (200) ug disregarding traffic signs (P500).
