DAVAO CITY – Kasong paglapas sa Republict Act (R.A) 10591 o Comprehensive Firearms and Ammunition Regulation Act ang atubangon sa komentarista sa radyo nga pnadakpan sa mga tinugyanan sa balaod.
Giila sa Police Regional Office (PRO) XI ang dinakpan nga usa Ezperanzo Nishi Gochi, komentarista sa Sunrise FM sa Mati City.
Giaresto ang radio commentator human makuhai ug armas ingon man mga bala sa gipahigayong nga opersyon sa Barangay Central, Mati City, Davao Oriental kagahapon sa hapon.
Sumala pa nga nasikop si Gochi sa joint operation sa Mati City Police Station ug Davao Oriental Police Provincial Office diin gisilbi ang search warrant sa panimalay sa dinakpan.
Nakuha ang usa ka .45 caliber nga pistola, magazine ug mga bala. Gidayeg sab ni Police Brigadier General Marcelo Morales, hepe sa PRO-XI ang nahimong paningkamot sa operating team ug misaad nga padayon ang ilang kampanya batok mga gun holder nga walay tukma nga mga dukomento.
