DAVAO CITY – Posibleng magsilbi pa sa dakbayan sa Davao isip Davao City Police Office (DCPO) director si Pol. Col. Alexander Tagum hangtud sa kasaulogan sa Kadayawan sa siyudad sa bulan sa Agosto.
Nasayran kang Police Capt. Ma. Theresita Gaspan, tigpamaba sa DCPO nga hangtud karon wala pay nadawat nga kamandoan si Tagum kalabot sa iyang bag-ong katungdanan bisan nga lampas na sa duruha ka tuig ang iyang pagpangatungdanan sa maong posisyon dinhi sa dakbayan.
Gani, nakahan-ay na matud pa karon ang ipatuman nga seguridad sa Kadayawan diin ubay-ubay ka mga personahe sa kapulisan ang ipakatag sa dakbayan aron nga masiguro ang kaluwasan sa mga bisita.
Hugtanon sab nga seguridad ang ipatuman sa siyudad ilabi na nga laoman ang daghanang aktibidad sa usa ka bulan nga kapiyestahan.
