-- ADVERTISEMENT --
DAVAO CITY – Napuno ang gymnasium sa usa ka lugar sa Davao del Sur human nga naghanyag kini ug libre nga “Pay-per-view” atol sa gipahigayon nga sangka nila ni Sen. Manny Pacquiao ug Keith Thurman kagahapong adlawa.
Una ng gibutyag ni Mayor Arthur Davin nga buot niya nga komportable ang pagtan-aw sa mga supporters ni Sen. Manny Pacquiao hinungdan nga nagpahimutang sila ug pay per view gumikan kay walay commercial break ang sangka.
Napuno sa sininggitay ang mga tawo human nga subling naangkon sa senador ang kadaugan.
Dinhi sa dakbayan sa Davao, daghanan sab ang nagtangyag ug libre nga pay-per-view diin usa na niini ang Bankerohan area nga nagapahimutang ug dako nga screen matag adunay sangka ang pambansang kamao.
