DAVAO CITY – Nakatala sumala pa ang Davao City Anti-Drug Abuse Council (Cadac) ug 200 firms dinhi sa dakbayan sa Davao nga mipailalom sa training alang drug-free workplaces pinasikad kini sa city ordinance.
Sumala pa kang Concepcion Domag sa Cadac, pipila sa mga representante sa business establishments ang mipailalom sa training kung paunsa ipahigayon ang random drug testing sa ilang mga empleyado ug momugna ug tulo ka tuig nga drug-free workplace treatment ingon man prevention program isip kabahin sa rekisitos ayha makakuha o maka-renes sa ilang business permit.
Kahinumduman nga ilalom sa City Ordinance 0506-13, mandato ang tanan nga mga kompanya nga adunay kapin 10 ka mga empleyado nga magpahigayon ug anti-drug abuse program o drug-free workplace policy.
Kinahanglan sumala pa nga aduna silay programa nga mo-edukar sa ilang empleyado, pamilya ug komunidad kalabot sa epekto sa illegal drugs, paunsa matambalan ang drug addiction ug paunsa maka-recover ug pag-manage niini.
Ang maong lakang kabahin sa requirement alang sa renewal sa business permits sugod 2020.
