DAVAO CITY – Kusog nga pagbusikad ang nakapakurat sa katawhan sa Purok Dahlia, Visayan Village, Tagum City alas 8:30 kagabii.
Sa pasiunang imbestigasyon sa Tagum City Police ug Explosive Ordnance Unit nahitabo ang pagbusikad sa residential compound nga gipanag-iya sa usa ka Fredilyn Abregoso Cuba.
Gilabay ug MK2 fragmentation grenade ang nakapader, dunay steel gate ug naka-padlock nga balay sa biktima.
Nakahi-agum ug kadaut ang glass door ug uban pa nga bahin sa nahisgutan nga balay.
Wala hinooy gikatala nga samdon sa nahisgutan nga pagbusikad sa Granada.
Gilayon nga mi-responde ang K-9 Unit sa Davao del Norte Police Mobile Force Company aton nga imbestigahan kung unsa ang hinongdan sa nahisgutan nga pagbusikad, ug aron sa pagseguro nga wala na’y secondary explosion.
Sa giphigayon nga imbestigasyon sa EOD Team naka-recover sila ug safety lever, fragment sa hand grenade ug fragments sa detonator nga anaa sa kustodiya sa EOD.
Padayon ang gipahigayon nga imbestigasyon aron nga masayran ang motibo sa nahisgutan nga pagpanglabay ug Granada.
