DAVAO CITY – Nagpadayon karon ang gipahigayon nga imbestigasyon sa Tagum Police kalabot sa pagpatay sa usa ka kanhi cameraman sa Davao Del Norte Provincial Information Office.
Una ng giila sa kapulisan ang biktima nga si Reymond Faciol, hamtong ang pangidaron ug residente sa Bunawan ning siyudad.
Gikanayong samtang anaa sa gawas sa iyang apartment sa Brgy. Mankilam Tagum City ang biktima, kalit nga mibutho ang wala mailhing suspetsado ug gipusil si Faciol. Dali pa nga gidala sa balay tambalanan ang biktima apan nakabsan kini sa iyang kinabuhi.
Nakuha sa crime scene ang basiyo nga iya sa .45 nga pistola. Gikanayong sa wala pa nahitabo ang pagpatay, nakadawat na ug bahad sa kinabuhi ang biktima.
Gikanayong ulahing adlaw na sa iyang duty isip cameraman sa maong probinsiya dihang nahitabo ang pagpatay.
Gipalawman pa karon sa otoridad ang ilang pagpanubay aron nga masayran ang motibo ug mipaluyo sa maong krimen.
