DAVAO CITY – Gikalipay sa Police Regional Office (PRO) XI ang mga bag-ong kagamitan nga gihatag kanila aron nga mas mapalambo pa ang pagpatuman ug seguridad sa dakbayan.
Kahinumduman nga gipahigayon kagahapon ang ceremonial turn-over sa mga ekipo sa Camp Sgt. Quintin Merecido, Davao City.
Atol sa blessing, nadawat sa PRO 11 ang mga 9 mm pistols, M16 mags, drones, bullet proof vest ug siyam ka mga motorsiklo.
Nasayran nga ang mga motorsiklo ug armas itunol sa Regional Mobile Force Battalion – XI ingon man sa 5 ka mga provincial offices sa kapolisan samtang itunol sab sa Compostela PNP, Davao del Sur PNP ug Explosive Ordnance Division – XI ang drone ug bullet proof vest.
Una ng gibutyag ni Police Brigadier General Marcelo Morales ang hepe sa PRO-XI nga dakong tabang ang nahisgutan nga mga ekipo aron nga mapalig-on pa sa kapulisan ang ilang kampanya batok sa bisan unsa man nga kriminalidad dinhi sa rehiyon.
