DAVAO CITY – Gi-andam na sa lokal nga panggamhanan ang hinabang nga ihatag alang sa mga biktima sa ngilngig nga aksidente sa Matina pangi kagahapong adlaw nga mikalas ug siyam ka mga kinabuhi ug gika-angol sa pipila ka mga indibidwal.
Usa sa gipasalig ni Mayor Inday Sara Duterte-Carpio ang paghatag ug burial assistance sa mga biktima ug uban pang galastuhon.
Una na sab nga gitambagan sa Mayor ang ahensiya sa Department of Public Works and Highways (DPWH) nga subayon ang dalan diin nahitabo ang aksidente aron nga mahimoan gilayon kini ug lakang ug dili na subli pa nga mahitabo ang susama nga aksidente.
Gitambagan sab ni Mayor Inday ang mga driver nga kanunay magbinantayon sa pagmaneho aron nga malikayan ang disgrasya.
Angayan sab nga magpahimutang ug signages sa lugar aron nga mas daling makamatikod ang mga driver ilabi na sa kurbada nga bahin.
