DAVAO CITY – Sugdan na sa gimugnang Regional Inter-Agency Task Force ang pagsubay sa mga nagkadaiyang investment schemes sa Davao region ilabi na kadtong kulang sa mga dokumento o wala naha-om ang ilang negosyo sa ilang gi-apply nga permit.
Pangunahan mismo ang nahisgutan nga Task Force sa ahensiya sa Securities and Exchange Commission (SEC).
Buot sumala pa sa mga nahisgutan nga palukaton ug permit ang mga magsilbing agent sa mga kompanya aron ma-regulate kadtong mga indibidwal nga naga-awhag sa katawhan nga mosulod sa investment schemes.
Una na sab nga gibutyag ni Police Regional Office (PRO) 11 spokesperson Police Major Jason Baria, nga hugtanon sab nila nga gipanubayan karon kadtong mga pulis nga nangapil ug mga investment schemes diin mamahimo sumala pa nga mapasakahan ug kaso ang mga nahisgutan.
Samtang sa bahin ni Col. Nolasco Mempin, commander 1003rd Infantry Battalion sa Philippine Army, gipahimangnoan sab nila ang ilang mga sakop nga dili mag-apil-apil sa investment schemes gumikan kay mamahimong hinungdan lamang kini sa dakong suliran sa umaabot nga panahon
