Misis gidala sa balay tambalan human gitigbas sa palahubog nga bana

DAVAO CITY – Gidala sa Southern Philippines Medical Center (SPMC) ang usa ka misis human nga gitigbas kini sa iyang bana nga iyang gibadlong gumikan kay nagsege na lamang ug inom.

Naila ang biktima nga si Liza Enardo, residente sa Brgy. Domingga Calinan ning dakbayan.

Sa inisyal nga imbestigasyon sa kapulisan, halos dili sumala pa moundang ang bana sa biktima ug inom hinungdan nga mikuha si Liza ug improvised air gun o Jolen Gun ug gition ngadto sa suspek.

Apan mikuha sumala pa ang nahisgutan ug sundang ug gitigbas ang biktima apan iya kining nasagang hinungdan nga na-igo kini sa bukton.

Dali nga gidala sa hospital si Liza ug kasamtangan na nga nagpa-alim sa iyang samad nga naangkon. Gi-andam na sab ang kaso nga iduso batok sa suspek.