DAVAO CITY – Napasakahan na matud pa sa City Traffic Transportation Management Office (CTTMO) ug kaso pinaagi sa inquest proceedings ang duruha ka mga driver sa Public Utility Vehicle (PUV) nga migamit ug peke nga IDs.
Sumala pa kang CTTMO head Dionisio Abude nga una ng nasikop ang duruha ka mga drivers sa Barangay Sasa dihang nagpahigayon ang city traffic enforcers ug pagpanubay batok sa mga bogus IDs sa milabay nga semana.
Kasong falsification of public documents ang giduso sa ahensiya batok sa mga dinakpan nga sila si Carlito Salvador ug Candao Mamancao.
Gitino ni Abude nga bugtong ang CTTMO lamang naga-isyu ug driver’s ID kini aron nga ma-protektahan ang riding public.
Una ng nakadawat ug impormasyon ang CTTMO nga aduna sumala pay pipila ka mga naga-himo ug peke nga driver’s IDs ilabi na sa area sa Toril.
