DAVAO CITY – Milagda na ug kasabotan ang kasundalohan ug kapolisan sa rehiyon unse aron nga mas mapalig-on ang internal security operation clinic niining kapanahonan sa eleksyon.
Sumala pa kang Major General Alfredo Valdez, head sa Directorate for Integrated Police Operations Eastern Mindanao Command, alang sab sa kampanya batok sa mga armadong grupo ang pakig-alayon nila sa Philippine National Police (PNP).
Dugang pa ni Valdez nga tinguha sab niini ang pagtinabangay, ug inter-operability sa Eastmincom, ug PNP, apan ang kapolisan ang manguna sa pagpatuman sa security plan ug suporta lamang ang kasundalohan.
Samtang sumala sab kang Lt. Gen. Felimon Santos, Jr., Commander sa Eastern Mindanao Command kinahanglan na gayud nga i-update ang kamanduan gumikan daghanan nga mga lugar na sa ilang AOR ang nahinlo-an gikan sa insurhensiya.
