DAVAO CITY – Patay ang usa ka drug pusher sa natigayon nga buy bust operation ala 1:00 pasado kagahapon sa hapon sa RGA Village, Barangay Pasiano Banggoy, Dacudao Avenue, ning dakbayan sa Davao.
Naila ang suspek nga napatay nga usa ka Kobe John Donaire Magnanap, 19 anyos, alyas Kobe, 19 anyos, alyas Kobe ug residente sab sa nahisgotan nga lugar.
Subay sa impormasyon sa Sta. Ana Police Station nasayran nga human makatunol ug pakete sa shabu ngadto sa usa ka police officer nga nagpaka-aron ingnon nga mopalit ug illegal nga druga didto mismo sa iyang gipoy-an.
Dihang nakamatikod ang drug pusher nga police ang iyang gikatransaksyon, hinongdan nga mibunot kini sa iyang .38 nga kalibre sa armas ug giti-on ngadto sa police.
Daan na nga nasayud ang kapolisan nga armado ang suspek hinongdan nga wala mokompyansa.
Sa dihang mihana na kini sa pagpusil patay sa ka-transaksyon nga police, dali sab nga mipaboto sa ilang dala nga armas ang mga kaubanan nga mga police.
Samdon ang suspek ug gidali sa pagdala sa Southern Philippines Medical Center (SPMC) apan gikadeklara sa mga doktor nga patay nang nahiabot ang gikatahapan nga drug pusher.
Nasakmit gikan sa suspek ang napulo ka mga sachet sa shabu, diin usa niini ang gitunol ngadto sa poseur buyer.
Nasakmit sab ang lain pang usa ka daku nga pakete ug walo ka gagmay nga mga pakete ug kinatibuk-an nga sachet sa shabu.
Nasakmit sab gikan sa patay nga lawas sa suspek ang usa ka .38 kalibre nga homemade nga revolver nga wala’y serial number.
Naila na ang suspek nga mao ang tigbaligya-an ug illegal nga druga sa Paciano Banggoy, Dacudao Avenue, o RGA Village, Diamond St., Agdao District, ning dakbyan sa Davao.
Giila sab ang suspek isip lider sa gang sa nahisgutan nga dapit.
Gi-claim na sa iyang mga tagtungod ang patay nga lawas sa biktima gikan morge sa SPMC.
