Nangandam na karon ang mga nagkadaiyang ahensiya sa kagamhanan alang sa pagpatuman sa seguridad sa nagsingabot nga semana santa.
Tipik lamang kini human nga gilaoman ang pagdagsa sa mga tawo sa mga simbahan sa nagkadaiyang lugar sa dakbayan.
Sumala pa kang Police Capt. Maria Theresita Gaspan, tigpamaba sa Davao City Police Office (DCPO), nga tutokan karon sa kapulisan ang pagpatuman ug seguridad sa mga lugar nga sagad dagsaon sa mga tawo sa mga simbahan, pantalan, beach resorts ug daghanan pa. Dugang sa opisyal nga nakahan-ay na karon ang ilang security plan.
Samtang gibutyag sab ni Col. Consolito Yecla, commander sa Task Force Davao (TFD), nga doble ang ilang ipakatag nga mga sakop atol mismo sa semana santa aron nga dili makapahimulos ang mga dautang elemento nga isabotahe ang kahusay ug kalinaw sa dakbayan.
