DAVAO CITY – Gibarugan sa kabanay sa duruha ka mga gikatahapan nga sakop sa New People’s Army (NPA) nga napatay sa mga militar sa Sitio Mangurayan, Brgy. Anitapan, Mabini, Compostela Valley Province nga dili sumala miyembro ang mga nahisgutan nga rebeldeng kalihokan.
Kahinumduman nga naglusad ug operasyon ang mga tropa sa 71st Infantry Brigade (71IB) human nga nakadawat ug impormasyon nga adunay presensiya sa mga rebelde sa lugar diin nangandam sumala pa kini sa ilang anibersaryo karong adlawa.
Nahitabo ang engkuwentro nga milungtad ug lima ka minuto ayha misibat ang mga rebelde.
Gibiyaan sumala pa sa mga nahisgutan ang duruha ka mga patay’ng lawas nga gika-intapan nga miyembro sa NPA.
Narekober sab sa encounter site ang mga eksplosibo nga gilangkuban sa tulo ka improvised shotguns, usa ka improvised explosive device, 50 metros nga detonating cord, ug 1 blasting cap. Apan hugtanon nga gipanghimakak sa kabanay sa mga napatay nga sila si Franklin Tirol ug ig-agaw niini nga si Zaldy nga sakop ang mga nahisgutan sa NPA. Bisan nga nagdala ug armas ang duruha apan susama sumala pa kini nga jolen gun. Gani wala sumala pay record ang mga nahisgutan sa otoridad hinungdan nga imposible nga miyembro kini sa NPA.
