DAVAO CITY – Gibutyag ni SPO4 Eusibio Borromeo sa Explosive Ordnance Division Team sa Davao del Sur Police Provincial Office nga mga eskperto ang mag-igsuon nga gikatahapang miyembro sa Dawlah Islamiyah sa paggama ug bomba nga susamang napatay sa gilusad nga operasyon sa otoridad sa lungsod sa Hagonoy, Davao del Sur.
Una ng naila ang mag-igsuon nga sila si Norham Sinapan ug Nurton Delangalin Sinapan. Matud pa kang SPO4 Borromeo, eksperto ang mga napatay gumikan kay aduna silay katakos nga mag-convert ug mga improvised explosive device (IED).
Gitataw sab sa opisyal nga ang mga narekober nga klase sa IED gikan sa posisyon sa mga napatay nga suspek ang signature na matud pa sa grupong Jemaah Islamiya.
Una ng migula sa report nga plano sumala pa sa napatay nga mag-igsuon nga magtanom ug bomba sa General Santos ug Davao City.
