DAVAO CITY – Padayong giawhag ni Dr. Cerelyn Pimili sa Davao City Veterinarian Office ang publiko nga magmaigmaton sa pagpalit ug karne, isda o manok nga produkto sa merkado alang sa kaluwasan sa ilang pamilya.
Kini human nanggula ang mga taho labot sa ilegal nga ihawan sa dakbayan sa Davao, nga gi-monitor na sa City Veterinarian’s Office ang mga balay ihawanan ug poultry farms sa dakbayan aron nga maseguro nga luwas ang publiko sa mga produkto niini nga ginadala sa merkado.
Si Dr. Pimili nagkanayon nga aduna siya’y nadawat nga mga taho kabahin sa ilegal nga pagpangihaw ug hayop sa siyudad.
Gitataw niya nga matag adlaw sila nagapahigayon ug meat ug fish inspection aron nga panalipdan ang mga konsumante. Duna sumala pa’y naga-ihaw ug baboy, nga wala ginasulod sa slaughter house, pero ginabaligya nila, ug gina-angkat.
Hugtanon sumala pa kini nga ginadili.
Tanan sumala pa nga karne nga mogawas sa slaughter house, maayo sumala pa nga pagka-inspeksyon.
Libre sumala pa kini sa bisan unsa nga makatakod nga balati-an basta dunay tukma nga meat inspection certificate.
Dugang pa ni Dra. Pimili nga kugn dunay nakasupak o kon ang mga produkto dili maayo nga ipakaon sa tawo, giseguro nila nga dili kini mabaligya sa merkado.
