DAVAO CITY – Gikadismaya ni Jaffar Marohomsalic, Presidente sa S.K. Federation ning dakbayan sa Davao ang pagkalambigit sa usa ka SK kagawad sa ginadili nga nasikop sa mga sakop sa Sta. Ana PNP atol sa gilusad nga drug buy bust operation niining milabay nga adlaw.
Matud pa kang Marohomsalic nga plano niyang pulongan ang mga SK officials ning siyudad aron nga ipasabot sa mga nahisgutan nga kinahanglan magsilbi sila nga maayong ehemplo s amga kabataan sa dakbayan.
Kahinumduman nga nasikop sa otoridad ang SK kagawad nga si Hideki Hernando residente sa Brgy. 18-B Barrio Obrero ning dakbayan.
Wala na milimod pa ang dinakpan sa iyang binuhatan ug misaad kini nga magbag-o ug ihunong na ang nahisgutan nga bisyo.
Samtang nagpahimangno sab ni Police Chief Inspector Michael Uyanguren, hepe sa Sta. Ana PNP, mas maayong mohawa na lamang sa Area of responsibility (AOR) sa Sta. Ana ang mga indibdiwal nga kanunay malambigit sa ginadili nga droga.
Nasayran sab sa nahisgutan nga pipila sa mga kaubanan sa dinakpan ang nalambigit sab sa nagkadaiyang kaso sa ilang AOR.
