DAVAO CITY – Pabilin pa gihapon nga nalisdan ang Regional Crime Laboratory Office XI sa pag-ila sa gi-chop chop nga babaye nga napalgan sa Buhangin ning dakbayan kapin usa ka semana na ang milabay.
Sa kasamtangan, gihulagway lamang ni RCLO Medico Legal Officer PCI Nolan Genova ang biktima nga anaa sa 5 feet ang height ug nagpangidaron ug 20 ngadto na sa 25 anyos.
Kahinumduman nga gawas sa gi-chop chop nga lawas gituyo sab sumala pa pagputol sa suspek ang finger ring sa biktima.
Una ng gibutyag ni Genova nga ayha gi-chop-chop ang biktima, namatay na kini tungod sa grabe nga bun-og sa ulo nga posibleng gibunalan ug gahi nga butang.
Anaa na sab sumala pa sa upat ka mga pamilya ang mi-claim sa patay’ng lawas apan susama nga nagnegatibo ang mga nahisgutan subay sa migula nga resulta sa DNA.
