DAVAO CITY – Nagpahimano karon si Incoming Association Association of Barangay Captain (ABC) President Edgar Ibuyan Sr sa Barangay 5-A, Bankerohan, ning dakbayan sa Davao batok sa mga sugarol.
Desidido sumala pa ang maong opisyal nga magpasa siya ug resolusyon nga dili na hatagan ug tabang gikan sa gobyerno ang mga sugarol dinhi sa dakbayan.
Tumong niini maningkamot ang mga nahisgutan sa ilang panginabuhi inay nga magdepende na lamang sa sugal.
Na-obserbahan sumala pa nga bisan ug walay saktong kita, nagahimo na lamang ug iligal nga aktibidad ang nahisgutan aron lamang adunay mapusta sa sugal.
Kahinumduman nga una nang gi-kwestyon sa konseho ning syudad ang Philippine Charity Sweepstakes Office (PCSO) ug ang pirting pagkatag sa mga Small Town Lottery (STL) dinhi sa dakbayan.
