DAVAO CITY – Patay ang usa ka high value target sa illegal nga druga human nga napusilan sa human nga nagpaboto sa makaduha ka higayin tumong ngadto sa kapolisan sa usa ka checkpoint sa utlanan sa Carmen-Braulio Dujali ug Panabo City pasado alas 11:00 kagabii.
Naila ang nahisgutan nga usa ka Analuden Talandad, alyas Dinocusain, 41 anyos, taga-Sto. Tomas, Davao del Norte.
Sumala pa kang Panabo City Police Station Commander Police Supt. Remas Lambert nga mikalit ug hunong sa checkpoint ang susoek nga si Talandad, samtang sakay sa SUV Hyundai Tuson, mikanaug kini ug namusil kini sa kapolisan.
Wala hinooy naigo sa mga tinugyanan sa balaod nga nagman sa checkpoint. Wala magpa-rekisa sa checkpoint ang suspek gumikan kay duna diay kini’y tulo ka mga warrant of arrest may kalabotan sa illegal nga druga.
Human mapusili gidala sab dayon sa ma tinugyanan sa balaod sa hospital ang suspek.
Giila ang dinakpan nga supplier sa dakbayan sa Panabo.
Na-recover gikan kaniya ang logger .45 pistol, mga magazine ug duha ka mga baseyo.
Mag-atubang ug kaso nga kalapasan sa Republic Act 9165 ang live-in partner niini nga naila nga usa ka Mae Akma human nga nakuha-an ug sachet sa illegal nga druga human gilusad ang imbestigasyon.
