DAVAO CITY – Kasong alarm and scandal ang posibling atubangon sa mga batan-on nga nangadakpan ug nabalhug na sa bilanggo-an sa San Pedro Police Station human mahilambigit sa panghitabong riot.
Gilakipan ang mga dinakpan sa duha ka mga batan-on ug usa ka hamtong human kini nangadakpan human mahilambigit sumala pa sa nahitabong riot atol sa sayong kaadlawon sa dalang Illustre, ning dakbayan sa Davao.
Naila ang mga dinakpan nga sila si Jimmy Lucio Ramirez, 30 anyos, residente sa Roxas Boulevard, Barangay 31-D, Brian Florido, 18 anyos, naggikan sa dakbayan sa General Santos ug temporaryo nga nanimuyo dinhi sa dakbayan sa Davao, Eugene Villarubia, 18 anyos, residente sa Tibungco, ning dakbayan sa Davao.
Nadakpan ang mga nahisgutan pasado alas dose kaganinang kaadlawon atubangan sa usa ka tindahan sa dalang Legazpe, ning dakbayan sa Davao human nga nahilambigit sa riot sa dalang Illustre, ning dakbayan sa Davao nga nakamugna ug kabalaka sa mga residente sa dapit nga mao ang mitawag sa mga ginsakpan sa kapolisan gikan sa San Pedro Police Station aron nga masanta ang kagubot sa dapit.
Paghi-abot sa kapolisan nadakpan nila ang tulo, apan naka-ikyas ang lain pang uban.
