DAVAO CITY – Musamot sumala pa ang paghuot sa dagan sa trapiko tungod sa ginatawag nga modernong transportasyon pinaagi sa pagpadagan sa ginatawag nga High Priority Bus System (HPBS) puli sa mga karaan nga mga Public Utility Vehicle.
Kini ang pagtuo ni Maning Duran, ang opisyal sa Southeastern Mindanao Diversified Operators Cooperative (SEMDOC) sa pakighinabi sa Bombo Radyo.
Gitandi usab ni Maning Duran ang sitwasyon sa dagan sa trapiko sa kauluhan diin paundangon na sumala pa ang bus pagsulod sa EDSA. Ug kung himuon kini dinhi sa dakbayan, mas musamot sumala pa nga muhuot ang dagan sa trapiko.
Sumala pa ni opisyal sa SEMDOC nga wala sumala pa natun-an pagmaayo sa gobyerno ug nahaylo si Davao City Mayor Inday Sara Duterte-Carpio sa Asia Development Bank sa pagpatuman sa maong klase sa transportasyon dinhi sa dakbayan.
Dugang pa ni Maning Duran nga dili rason nga naka Euro 4 compliant o minimal lamang ang carbon emission sa mga sakyanan sa mga bus nga padaganon tungod kay bisan karon, gipatuman na kini dinhi sa dakbayan.
Nasayran nga sa bulan sa Agosoto padaganon na ang unang 45 ka mga bus nga kabahin sa ginatawag nga High Priority Bus System (HPBS) dinhi sa dakbayan.
