DAVAO CITY – Gikatakda nga ipahigayon ugmang adlawa ang simultaneous launching sa ‘Clean Rider’s Sticker’ campaign sa kapulisan.
Gipasabot ni Police Regional Office-Davao Region (PRO Xl) spokesperson Police Chief Insp. Milgrace Driz, nga tumong sumala pa sa maong lakang nga masolusyonan ang suliran sa kriminalidad partikular na nadtong mga riding in tandem nga mga suspek.
Pangbutangan sumala pa ug sticker ang mga motorsiklo apan kinahanglan mopailalom una ang nanag-iya niini sa pipila ka interview aron nga makuha ang datos dayon i-rehistro sa Philippine National Police – Information Technology Management System (PNP-ITMS) data base diin dali na lamang kini nga ma-download sa mga nagkadaiyang Police Stations.
Kinahanglan sab sumala pa nga mo-presenta ang driver ug OR, CR, drivers license ug duruha ka mga valid government IDs.
Pangunahan mismo ni Davao City Director P/Sr. Supt. Alexander Tagum ang launching niini dinhi sa dakbayan.
