DAVAO CITY – Gihagit sa National Youth Commission (NYC) ang mga bag-ong napili nga mga opesyal sa Sangguniang Kabataan sa dakbayan sa Davao nga mamahimo nga aktibo nga ka partner sa kagamhanan.
Sumala pa kang NYC Acting Chair Ronald Guiyan Carlo Cardima sa panahon nga dunay kalamidad sa dakbayan ang mga batan-on mao ang angay nga manguna sa disaster response.
Dugang ni Cardima nga kinahanglan nga motabang sab ang SK ngadto sa kapolisan ug kasundalohan alang sa pagsanta sa kriminalidad insurhensiya, terorismo ug illegal nga druga.
Dugang pa ni Cardima nga karon ang tukma nga panahon nga pamatud-an sa SK Federation nga dili lamang limitado sa sports ug beauty pageant ang mga aktibidad sa mga kabatan-onan.
Gi-awhag sab ni Davao City Mayor Inday Sara Duterte-Carpio ang mga kabatan-onan nga motabang sa konseho ning dakbayan ug sa kabarangayan alang sa pagmugna ug mga maayong proyekto alang sa dugang kalambo-an.
