DAVAO CTY – Pasakahan na ug kaso ang usa ka lalaki nga nasikop sa mga sakop sa Investigation Detection Management Branch (IDMB) ilalom sa Davao City Police Office gumikan sa pagpameke ug mga ID sa mga Public Utility Vehicle (PUV) drayber sulod sa Diaz Mall, CM Recto ning siyudad.
Una ng naila ang dinakpan nga si Marjun Duero Ayala, 36-anyos, residente sa St. John, Bucana ning siyudad.
Giposasan gilayon ang suspek atol entrapment operation sa gi-arkilahan niini nga puwesto sa Diaz Mall human nga akto kini nga nasakpan nga nagahimo ug mga peke nga mga PUV drayber.
Dili lamang kini ang unang higayon nga nagpahigayon ug operasyon ang otoridad sa nahisgutan nga lugar human nga adunay nadakpan na sab kaniadto nga nagahimo ug peke nga mga lisensiya.
Sa kasamtangan, balhug na sa presohan ang suspek ug naghulat na lamang kung kanus-an taralon sa kaso nga iyang atubangon.
