DAVAO CITY – Nagkulang ang mga classroom sa duha ka mga dagku nga mga tulongha-an dinhi sa dakbayan sa Davao atol sa pag-abli sa tuig 2018-2019 niining adlawa.
Nasayran nga sa Kapitan Tomas Monteverde Elementary School ug Magallanes Elementary School gipatuman na lamang ang double session ug team teaching classes ang mga magtutudlo.
Gipangatarungan sa mga school administrators nga nagkulang sila ug mga classrooms gumikan kay wala pa nahuman ang kontruksyon sa mga bag-ong schook building.
Gipasabot sa mga magtutudlo nga ang team teaching classes mao ang pagpahimutang ug duha ka mga class advisories sulod sa usa ka classroom.
Matag Class Advisory nahisakop sa susama nga grade level mao nga ang mga magtutudlo niini magbinaylo-anay lamang ug klase.
Sumala pa kang Principal Maricho Aplas sa Magallanes Elementary School nga mao ang team teaching classes gumikan kay anaa lamang gihapon sa classroom inay nga sa gym, diin malisdan ang mga magtutudlo ug maglisod ang mga tinun-an sa pagsab ot sa leksyon gumikan sa kabanha sa palibot.
