DAVAO CITY – Nasunog ang pinoy-anan sa pamilyang Garcia ug maayo na lamang nga walay namatay o kaha naangol sa insidente. Anaa sa pagpahulay ang pamilyang Garcia dihang kalit na lamang nga miulbo ang sunog sa Purok 23, Pantinople Village, Maa, ning dakbayan sa Davao.
Nagtinabangay ang mga silingan sa pagsablig ug tubig hinongdan nga sa pag-abot sa kabomberohan napalong na ang kalayo.
Subay sa pasi-una nga imbestigasyon sa Bureau of Fire Protection (BFP) posibling nga nag-overheat ang ceiling fan sa pamilya.
Saysay sa tagbalay nga si Sonia Garcia dali sila nga nanggula sa ilang pinoy-anan dihang nakita ang miulbong kalayo.
Naalarma sab ang ilang mga silingan nga dali sab nga nanghipus sa ilang kabtangan alang sa pagbiya sa ilang mga kabalayan.
Nasunog ang kesame sa pamilyang Garcia lakip na ang uban pang kagamitan.
Saysay ni Senior Fire Officer 1 severino Betarmos sa SIR Fire Station stranded ang electrical wire sa ceiling fan nga nagkahulogan nga substandard kini ug daku ang posibilidad nga nag-over heat.
Pahimangno sa BFP sa publiko nga hunongon na ang paggamit ug substandard nga mga electric wire aron nga makalikay sa sunog.
