DAVAO CITY – Padayon ang nahimong pagpangandam sa mga atleta nga naggikan dinhi sa rehiyon o ang Davao Eagles alang sa Palarong Pambansa 2018 samtang anaa na kini didto sa Vigan City asa ipahigayon ang maong dakong sporting event.
Kini ang gibutyag ni Jenelito “Dodong Atillo, ang tigpamaba sa Department of Education (DepEd) XI nga usa usab sa mi-suporta ug mi-uban sa mga atleta sa kauluhan alang sa maong kompetisyon.
Padayon ang pagbisita sa mga atleta sa mga playing venues, pag familiarize sa lugar, ug ang pagbansay-bansay kauban sa mga atleta kauban ang ilang mga coaches ug chaperon.
Samtang wala usay angay ikabalaka ang mga ginikanan sa mga atleta tungod kay maayo ang nahimong akomodasyon sa host school sa Vigan aron nga ma-supply ang ilang panginahanglan sama na lamang sa supply sa kuryente ug tubig butang nga ilang gikalipay.
