DAVAO CITY – Gilauman sa city tourism office ang dakong impact sa kasaulugan sa raw ng Dabaw karong tuiga kung itandi sa nakalabay nga tuig.
Gikanayon ni Tourism Officer Generose Tecson, gilauman nila ang siete porisento o mas labaw pa nga tourism arrival sa syudad atol sa nahisgutang selebrasyon.
Kahinumduman nga niadtong milabay nga tuig 2017, nakahimo sa pagtala ang dakbayan sa dabaw ug duha ka milyon ka mga torista taliwala sa gipatumang Mamrtial law sa Mindanao o 7.9% increase gikan sa 1.8 million niadtong nakalabay nga tuig 2016.
Dugang pa ni Tecson nga ang mga post sa katawhan sa social media labot sa pagkuha ug mga hulagway uban sa mga sundalo ug tangke de gyera sa tugkarajn sa city hall ang nakatabang ug dako aron mosaka ang curiosity sa mga taga gawas sa dakbayan sa dabaw.
Niining tuiga ang tourism office mitakda ug target nga 2.2 million tourist arrivals.
Gilauman na mamahimong mas mabulukon ang kasaulugan sa araw ng dabaw karong tuiga sanglitn nahukman ni mayor Inday sara nga ilakip ang mga aktibidad sa wala mahinayong pasko fiesta niadtong disyembre sa nakalinyang kalingawan sa araw ng Dabaw.
Nagpadayon na usab sumala pa ang pagpangandam sa syudad alang sa selebrasyon ug nagkanayon si tecson nga nagkinahanglan sila ug mas daghang pasilidad, branded hotels ug mga tour guides.
