DAVAO CITY – Aron nga masigurong mapatuman ang mga farm to market road partikular na sa Magsaysay Davao del Sur, mas gipahugtan karon ang gipatuman nga seguridad sa probinsiya aron nga masigurong walay ilusad nga pagpangharass ang mga rebeldeng New People’s Army (NPA).
Una ng gimando ni Mayor Arthur Davin nga kinahanglan mabantayan ang mga ekipo sa pribadong kompaniya nga gikontrata ingon man ang mga empleyado niini aron nga matapos sa gitakda nga panahon ang proyekto.
Tipik lamang ang pahayag sa opisyal ang gihimong pagpangsunog sa mga walhong grupo sa usa ka backhoe sa Barangay New Ilocos sa milabay nga semana nga gituohang sakop sa Committee Front 72 sa NPA sa Far South Mindanao Region (FSMR).
Matud pa kang Mayor Davin nga usa sa mga hinungdan nga mabalda ang trabaho sa mga proyekto sa gobyerno mao ang pagpangatake nga ginapahigayon sa mga rebelde. Sa kasamtangan, aduna nay mga sakop sa 39th Infantry Battalion (IB), Philippine Army sa lugar aron moabag sa kapulisan sa pagpatuman ug seguridad.
Nagpadala na sab og dugang personahe ang 2nd Maneuver Battalion sa Davao del Sur Provincial Police Office (DSPPO) s anahisgutan nga lugar.
Kahinumduman nga nagapahigayon ug pagpangatake ang mga rebelde human nga mas gipahugtan sa kagamhanan ang paggukod sa mga nahisgutan.
