-- ADVERTISEMENT --
DAVAO CITY – Andam na ang ipakatag nga mga security personnel nga pangunahan sa Davao City Police Office (DCPO) ibanagan sa uban pang law enforcement agencies aron maoy mopatuman sa seguridad alang sa mga delegado sa Davao Region Athletic Association (Davraa) Meet 2018, nga magsugod sa Pebrero 18.
Matud pa kang DCPO spokesperson Ma. Teresita Gaspan, gipasalig sa local police personnel nga manguna sila sa security situation aron nga mabantayan ang mga partisipante atol sa event.
Laoman sumala pa nga anaa sa 8,000 ka mga delegado gikan sa nagkadaiyang probinsiya sa Davao region ang mosalmut sa maong aktibidad.
Pagabuksan ang DAVRAA 2018 sa University of Mindanao sa Matina ug matapos kini sa Pebrero 23 ning tuig kasamtangan.
