DAVAO CITY – Padayon karon ang gilusad nga combat operation sa mga sakop sa militar ug kapulisan batok sa gikanayong mga sakop sa bandidong B’laan sa Sitio Banuk Brgy. Kimlawis Kiblawan Davao del Sur human ang gihimong pagpangatake sa mga nahisgutan nga miresulta sa pagka-angol sa usa ka CVO ug Pulis.
Dugang puwersa ang gipadala karon sa mga sakop sa 73rd IB ug kapulisan sa nahisgutan nga Barangay aron nga gukdon ang mga bandido.
Gikanayong nagpahigayon lamang ug pagpatrolya sa lugar ang mga sakop sa Regional Mobile Batallion dihang nahitabo ang pagpangatake sa halos 20 ka mga bandidong Bl’aan nga maoy hinungdan sa pagka-angol sa CVO nga si Geraldo Miscala ug PO1 Johny Castillon nga susamang gidala sa Davao del Sur Provincial Hospital.
Kahinumduman nga pipila ka higayon na sab nga nalambigit ang mga bandidong b’laan sa mga pagpangatake ingon man pangayaw sa nahisgutan nga lugar.
