DAVAO CITY – Padayon pa nga gi-obserbahan sa mga doctor sa Davao del Sur Provincial Hospital ang angkas sa motorsiklo human nga mi-serko kini ug nangalagpot ang mga biktima sa tulay nga bahin sa Barangay Balutakay, Hagonoy, Davao del Sur.
Ang biktima nga nagpabilin pa karon sa Davao del Sur Provincial Hospital, giila nga usa ka Melvin Baroman, 37 anyos, usa ka mag-uuma, residente sa Poblacion Hagonoy, Davao del Sur.
Nakahi-agum ug mga bun-og , ug pangus sa siko, tuhod ug abaga nga bahin human nga nabagnos sa national highway sa Balotakay, Hagonoy, Davao del Sur.
Si Melvin angkas sa motorsiklo nga gimaneho ni Armando Magsalim, 48 anyos, residente sa Sinayawan, Hagonoy, Davao del Sur.
Gikan ang mga biktima sa dakbayan sa Digos ug pauli na unta sa ilang lugar, apan kusog kayo ang ilang dagan, wala makabantay ang driver nga si Armado nga dunay signage nga gibutang sa tulay nga bahin nga nagpahibalo nga gikompone ang tulay hinongdan nga nabangga-an kini sa driver.
Gumikan kay hubog nawad-an ug panimbang si Armado ug mi-sirko ang motorsiklo.
Patay diha-diha dayon si Armando kang kinsang ulo nabunal sa semento.
Gihaya na karon ang patay nga lawas ni Armado sa Purok 7, Barangay Sinayawan, Hagonoy, Davao del Sur, samtang ang angkas nagpabilin pa karon sa balay tambalanan.
